Бизниң авазимиз вә шоаримиз

Мәшәл уйғур гурупписи

2018-йили 7-апрел

Намайиш - чәтәлләрдики уйғурлар үчүн авазимизни аңлитидиған бир пурсәт, шундақла нөвәттә көпчилик ортақ қоллинип кәлгән асаси усул.

Намайиш арқилиқ мәлум һөкүмәт, шәхсниң қилмиши яки мәлум иҗтимаий һадисигә қарита қаршилиқ билдүрүш, күч көрситиш, өзгәртишни тәләп қилиш мәқсәт қилиниду.

Билдүрүш вә қаршилиқ көрситиш усул болуп, тәсир көрситиш вә өзгәртиш мәқсәт һесаблиниду.

Йәни башқиларға мәқситимизни билдүридиған тоғра усул тепишимиз керәк, усул тоғра болмиса, тоғра болған нишан-мәқсәткә йәткили болмайду.

Қилған ишлиримизниң үнүми интайин муһим, намайиштин күтүлидиған үнүм –

Биз дуч келиватқан мәсилиләрни әтраптикиләргә билдүрүш, намайиш арқилиқ өзимизниң һәмкарлиқ вә күрәшчанлиқ роһини җанландуруш, башқиларға хитайларниң һәқиқий маһийитини ечип бериш.

Мумкин болса бу арқилиқ хитайға қарши бирликсәп шәкилләндүрүш вә иттипақдаш тепип қоллаш вә дәстәккә еришиш.

Тәшкиллигүчиләрниң, шоар товлиғучиларниң сәмидә болуши керәкки, «билдүрүш вә тәсир көрситиш» темиси дунядики йүз миңлиған университетларда нәччә йил тәтқиқ қилинидиған бир муһим тема, намайиш һәққидә гәрчә биз тәтқиқат илип бармисақму, һеч болмиса, аңлиғучиларға тәсир көрситиш үчүн азрақ ойлинишимиз керәк. Бизму авазимизни башқиларға билдүрүшни, уларни тәсирләндүрүшни тәтқиқ қилишимиз керәк. Буму өгинидиған бир пән!

Һечқандақ ойланмастин, азрақму издәнмәстинла «чиқип товлисақла һесаб» дейиш әң йүзәки вә иптидаий ой-тәпәккүр болуп, һечқандақ үнүмлүк нәтиҗә берәлмәйду. Аллаһ бәргән әқилни ишләтмисәк охшашла һесабини беримиз.

Әгәр тәкрар һалда нәччә йүз киши вақит, зеһин, иқтисад сәрп қилип еришкән нәтиҗилиримиз үнүмсиз болса, қошунимиз аҗизлайду; Әгәр техиму яхши чарә билән, зәрбидар усуллар билән әмәлий үнүмгә еришкәнсери, қошунимиз күчийиду. Дуня авазимизни аңлиши, бизни чүшиниши керәк; Тәсирлиниши, бизни қоллиши керәк. Буниң үчүн шоаримиз 21-әср кишилириниң тәпәккүр усули вә һаят чүшәнчилири билән бирдәк болуш тәләп қилиниду.

Йолда маңа кимләр учриши мумкин? Улар қайси тилни чүшиниду? Уларға өзүмниң бу дөләттики салаһийитимни қандақ билдүримән?

Булар һәққидә издинишмиз керәк; Қандақ қилғанда, авазимизни тоғра йәткүзәләймиз? Қандақ қилғанда, өзимизгә зиянлиқ вә пайдисиз шоардин сақлиналаймиз? Булар һәммиси муһим.

Нөвәттә дуня миқясида түрлүк таратқулар вә ахбарат вастилири өз авазимизни билдүрүштики әң асаси қорал.

Таратқу арқилиқ тарқалмиғанда, товланған шоарлар, топланған кишиләр шу вақит вә шу җайларда унтулиду. Пәқәт қатнашқучиларниң каллисида тәсир қалиду, халас.

Тәшкиллиниш сүпити, аваз, шоар, йүрүш-туруш, роһи һаләт ортақ бир сүпәткә вәкиллик қилғанда, тәсири техиму зор болиду. Сүпәтсиз, мәқсәтсиз, тәртипсиз намайишлар зерикишлик вә үнүмсизлик билән аяғлишиду!

Йәнә хитайға пурсәт берип, өзимизгә ора колимаслиқимиз керәк!

Нөвәттә дүшминимиз болған хитайлар бизниң һәрикәтлиримиздин өзигә зиянлиқ болған мәзмунлар, сүрәтләр, авазлиқ һөҗҗәтләр, шоарлар, намайишлардин материял йеғип, уйғурларни мөтидил мусулманлар дәп қарайдиған нурғун хәлқара тәшкилатлар, органлар, таратқулар, дипломатларға биз уйғурларни «радикал», «террорист», «қалақ», «демократийә вә әркинликниң дүшмини» дәп тонуштурмақта. Бир қисим битәрәп таратқулар уйғурларни көзитиш арқилиқ бир қисим уйғурларниң сәл ашқун йүрүш-туруши вә шоарлирини асас қилип туруп, растинила радикаллиқ мәвҗут дәп қарап, уйғурлар давасиниң һәқиқий маһийити болған адәмләрниң һаяти, қирғин қилиниши, тутқун қилинишиға соғуқ муамилә қилмақта.

Хитайниң биз уйғурларға қарши йүргүзүватқан сиясәтлири раст вә вәһшиянә туруқлуқ уни техиму рошән, техиму кәң даиридә аңлитишқа өзимизниң тосқунлуқ қиливатқанлиқи техиму раст. Өзимизниң йолини өзимизниң нәзәр даиримизниң тарлиқи тосуп қоймақта.

Өзимизниң издәнмәслики, оқумаслиқи, ойланмаслиқи өзимиз үчүн уқушмаслиқ һәтта дүшмәнлик пәйда қиливатқанлиқини нәзәрдин сақит қилишқа болмайду.

Биз өзимизниң һал-әһвалимизни әкс әттүридиған, дүшминимизниң җинайи қилмишлирини паш қилидиған, чүшәнмәйдиғанларға өзимизниң кимликини, тартиватқан дәрдимизни ениқ чүшәндүридиған шоарлар, плакатларни оттуриға чиқиришимиз керәк.

Мусулманлар әқиллиқ болуши керәк, интайин чирайлиқ болған ислами шоарлиримизни әрзимигән, налайиқ сорунда товлап курсини чүшүрүшму охшашла хаталиқ һесаблиниду. Һәммә ишниң мувапиқ товлайдиған вақти вә орни бар.

Дуняда бир йерим милярдтин артуқ мусулман бар, уларниң һәммиси өз дәрди, өз ғеми билән алдираш, дунядики һәр қандақ мусулманлар алди билән өзини ойлайду.

Хитайлар билән бизгә қарши һәмкарлашқан мусулман әлләрниң уйғурларға кәлтүргән санақсиз зиянлирини бу йәрдә тилға алмиған тәқдирдиму, бизгә пайда илип кәлгәнлири аз. Муһими, шәрқи түркистанда, хитайниң зулумиға учраватқанлар биз-йәни уйғурлармиз, улар әмәс; У земин бизниң, у йәрдики хәлқ бизниң туғқанлиримиз, уларниң туғқанлири әмәс; Шуңа бизниң дәрдимиз уларниң хиялиға анчә кирип чиқмайду.

Бизниң давайимиз пәқәт динниң давасила әмәс!

Хитайниң йоқатмақчи болғини слам дини әмәс, бәлки шәрқи түркистанниң игиси болған уйғур миллитини йоқитиштур. Чүнки хитай уйғурларни йоқатса, чәксиз байлиқ, чәксиз бипаян земин хитайға қалиду; Уйғурларни йоқатса, оттура асияға сиңип кириши, земин кеңәймичилик қилиши асанлишиду. Шуңа хитайлар уйғурларниң һәм тилини, һәм мәдәнийитини, зиялийлирини, башлиқлирини, сәнәткарлирини, содигәрлирини, тарихини, өйлирини, мал-мүлкини һәммини йоқ қиливатиду, талан-тараҗ қиливатиду.

Бизниң давайимиз кәм болғанда 20 милйон адәмниң, пүтүн бир хәлқниң һаят вә маматлиқ давасидур. Уйғурниң, бир милләтниң мәвҗутлуқ мәсилисидур.

Әгәр уйғурлар қирғин қилинип йоқитилса, бу йәрдики вәтәнму қуруқ гәп болуп қалиду, земинимиз хитайниң болиду, униңға һечким игә чиқалмайду. Әгәр бу йәрдики уйғур мусулманлар қирғин қилинса, бу йәрдики ислам динму йоқ болиду. Дунядики башқа мусулманлар зиянкәшликкә учриған уйғурлар үчүн бурунқидәкла һеч иш қилип берәлмәйду.

Бизниң давайимиз йәнә 2 милйон квадрат келометирлиқ зиминниң, муқәддәс тупрақ вә вәтәнниң давасидур, инсанийәтниң давасидур! адимийлик давасидур! хитайниң қатиллиқ, террорлуқ, вәһшийлики, ипласлиқиға, таҗавузчилиқиға қарши давадур.

Ойлинайли қериндашлар, биз уйғурлар бурунму һазирму интайин мәдәнийәтлик бир хәлқ биз; Биз уйғурлар түрки милләтләр арисида тунҗи болуп слам динини қобул қилип мусулман болған хәлқмиз; Биз уйғурлар пүтүн дуня ислам тарихида тунҗи ислами мәдрисини- сачийә мәдрисини бина қилған хәлқмиз! ислам дининиң пүтүн тарим вадиси вә оттура асия бойлириға тарқилишида әң зор төһпә қошқан мусулманлармиз. Биз уйғурлар дуня тарихида ислам етиқади үчүн әң көп қурбанлиқ вә бәдәл төлигән хәлқмиз; Биз уйғурлар өзимиз әң аҗиз турупму, башқа мусулманлар үчүн әң көп бәдәл төлигән мусулманлармиз, чеченийә, пакистан, афғанистан, сүрийә қатарлиқлар үчүн җан пида қилған, қан кәчкән әң сәмимий вә растчил мусулманлармиз. Әмди биз дуняни көрүп қойдуқ, ялған мусулманларни көрүп қойдуқ, аллаһ көзимизни ачти, әрәб милләтчилирини, иран парс шиәлирини, пакистанниң һели ғәрб һели хитай билән һәмкарлишип уйғурларни долларға тегишидиған һөкүмәтлирини, афғанистанниң тағлирида һаяти бәдилигә уруш қилип бәрсә, хитайға қорал вә аптомобил үчүн уйғур қериндашлирини сатқан талибан һөкүмити вә һазирқи һөкүмәтләрни бир-бирләп көрдуқ. Сүрийәдики ечинишлиқ һаләтни көрүватимиз, пәқәт өлүватимиз, хәқ үчүн өлүватимиз; Бизни тутуп бериватқан сахта мусулман һәқиқий мәнпәәтдар, содигәр милләтләр үчүн қурбан болуватимиз. Әмди һечболмиса, шоарни болсиму өзимиз үчүн товлайли.

Тарихимиз оттура асияға сода, маарип, мәдәнийәттә төһпә қошуш билән, оттура әсирдин бери наһайити кәң җуғрапийәлик районда рәңдар вә мол болған бир инсанийәт алақиси, гүлләнгән бир мәдәнийәт чәмбирики яритиш билән хуласилинидиған хәлқ биз. Инсанийәткә төһпә қошқан, мустәқил мәдәнийәт яратқан, тил вә йезиқи айрим болған, бир қурғақ җуғрапийәни бостанлаштурушта төһписи әң зор болған уйғур хәлқи йоқитилиш алдида туриду.

Тинчлиқ, мәдәнийәт вә тәрәққиятқа төһписи бар болған уйғур хәлқи түрлүк баһаниләр билән өлтүрүлүш хәвпи алдида туриду.

Уйғур хәлқи қирғин қилиниватиду, хитай һөкүмити уйғур хәлқини қирғин қиливатиду. Биз мана буни дейишмиз керәк!

Хитай һөкүмити ислам динини чәкләпла болди қилғини йоқ, башқа барлиқ динларниму чәкләватиду. Шуңа хитайни динларниң дүшмини дәп тонутушимиз керәк.

Хитай кишиләрни мусулман болғанлиқи үчүнла әмәс, барлиқ адәмләрни қирғин қиливатиду. Шуңа хитайни инсанларниң дүшмини дәп тонутушимиз керәк.

Хитай дини алимлиримизла әмәс, һәр қандақ уйғурла болса тутуватиду, қирғин қиливатиду.

Шуңа хитайни пүтүн уйғурларниң дүшмини дәп тонутушимиз керәк.

Биз давасини қиливатқанлар ичидә, уйғур миллитиниң ғемини йегәнлики үчүн қамалғанлар бар,

Уйғурға мәктәп, дохтурхана, көврүк салғанлиқи үчүн, йетимға ярдәм қилғанлиқи үчүн соланған карханичилар бар.

Илми нәтиҗиси, тәтқиқати билән уйғур хәлқиниң ғурурини өстүргәнлики үчүн қамалған уйғур зиялийлири бар.

Тор бекәтләрни қуруп, һәқ-раст гәп қилишқа сәһнә яратқанлиқи үчүн қамалған тор бекәтчиләр бар.

Уйғур тили, мәдәнийити йолида издәнгәнлики үчүн қамалған тәтқиқатчилиримиз бар.

Уйғур сәнитиниң хитай сәнитидин үстүн туридиғанлиқини испатлап қойғанлиқи үчүн қамалған сәнәткарлиримиз бар.

Әгәр хитай пәқәт ислам дининила йоқатмақчи болған болса, хуйзу мусулманларға кәңчилик қилмиған болатти. Хитайларниң хуйзуларға ислам динини чәклимәсликиниң сәвәби шуки, улар мусулман болсиму уйғурлардәк земин вә вәтән даваси қилмайду.

Хитайларниң нурғунлиған мусулман дөләтлири билән һәмкарлишип уйғур мусулманлириға зәрбә бериши, уйғурларни йоқ қилиш үчүн һәрикәт қиливатсиму, ислам иттипақи, ислам кеңиши қатарлиқларниң сүкүт қилиши, 20дин артуқ мусулман дөлитиниң хитай билән уйғурларға зәрбә бериштә һәмкарлиқ орнитиши - бизни ойғитиши керәк. Бу ойғиниш - гүзәл әхлақ вә бүйүк инсани хисләтләрниң җәңгаһи болған мубарәк динимизға болған муһәббәт вә пидакарлиқ болупла қалмай, вәтинимиз шәрқи түркистан вә у йәрдики уйғур хәлқимизға болған чоңқур муһәббәт вә хәлқимизниң дәрдини йәткүзүш вә әһвалини өзгәртиштур.

Биз уйғурниң авазини яңритишимиз керәк, уйғурниң шоарини товлишимиз керәк!

Уйғурниң һаятини, уйғурниң динини, уйғурниң вәтинини, уйғурниң ғурурини, уйғурниң биғубар өсмүрлирини, уйғурниң нативан аяллирини, уйғурниң хорланған анилирини қоғдаш көрүшидә қәтий мустәһкәм вә тәврәнмәйдиған болушимиз керәк!

Товлинидиған шоарлар үчүн:

Айрим җүмлиләр бойичә товлиниду:

Уйғурларға әркинлик!

Уйғурларға адаләт!

Уйғурларға һөрлүк!

Бир пүтүн куплет һаләттә оқулиду:

Әркинлик издәймиз!

Һөрлүк издәймиз!

Залим хитайни,

Вәтәндин қоғлаймиз!

Хитай залимдур!

Хитай қатилдур!

Хитай террорчи,

Хитай фашисттур!

Айрим җүмлиләр бойичә оқулиду:

Хитай таҗавузчилири, вәтинимиздин чиқип кәт!

Хитай қатиллири, уйғурларни өлтүрүшни тохтат!

Хитай фашистлири, уйғурларни тутушни тохтат!

Хитайлар, булаңчилиқни тохтат!

Ши җинпиң, террорист!

Ши җинпиң, җаллат!

Ши җинпиң, фашист!

Ши җинпиң қатилдур!

Плакатлар үчүн:

Хитай коммунистлири, уйғурларни қирғин қилишни тохтат!

Хитай коммунистлири инсанийәткә қарши җинайәт өткүзмәктә!

Дуня көзүңни ач, фашизм йеқинлап кәлмәктә!

Хитай, 2 милйон уйғурни қоюп бәр!

Хитай, ата-анам вә қериндашлиримни қоювәт!

Милләтчи, ирқчи, номуссиз, вәһший, залим хитай!

China, Stop Killing Uyghurs!

China, Get out of East Turkestan!

Shame on China!

No More Camps!

We Want Justice, We Want Peace!

Save the Uyghur People!

Save the Uyghur Language!

Save the Uyghur Culture!

Save the Uyghur Scholars!

Save the Uyghur Artists!

Save the Uyghur Women!

Save the Uyghur Children!

Freedom for Uyghurs!

Justice for Uyghurs!

China is Lying, People are Dying!

Racist China!

Fascist China!

Xi Jinping is a Terrorist!

Chen Quanguo is a Killer!

Free our Fathers!

Free our Mothers!

Free our Sisters!

Free our Brothers!

Türkçe

Haykırılacak olan sloganlar

Ayrı ayrı okunacak.

Uygurlar’a özgürlük!

Uygurlar’a adalet!

Uygurlar’a hürriyet!

Bitişik okunacak

Özgürlük istiyoruz!

Hürriyet istiyoryz!

Zalim Çin’ı D.Türkistan’dan kovacağız!

Zalim Çin!

Katil Çin!

Terörist Çin!

Faşist Çin!

Ayri cümleler halinde okunacak

Işgalci Kızıl Çin D.Türkistan’da defol!

Katil Kızıl Çin,Uygurkatliamını durdur!

Faşist kızıl Çin,Uygurları tutuklamaya sonver!

Kızıl Çin,yağmalamayı durdur!

Terörist Kızıl Çin!

Cellat Şi- jinpin!

Faşist Şi-jinpin!

Katik Şi-jinpin!

Afiş için

Kominist kızıl Çin,Uygurkatliamını Durdur!

Kominist kızıl Çin,insanlığa karşı suç işlemeye son ver!

Dünya, gözünü aç! Faşizm geliyor!

Kızl Çin,ikimilyon Uygur’u serbest bırak!

Kızıl Çin,anne-babamı ve kardeşlerimi serbest bırak!

Irkçı,faşist,namussuz,barbar,zalim Çin!

Төвәндики улинишни ечип, мәшәл уйғур гурупписи тәййарлиған мураҗиәтнамиләргә имза қоюп бериң. Рәһмәт!

https://www.change.org/o/group_of_uyghurs_living_abroad