Bizning Awazimiz we Sho’arimiz

Mesh’el Uyghur Guruppisi

2018-yili 7-aprél

Namayish - chet’ellerdiki uyghurlar üchün awazimizni anglitidighan bir purset, shundaqla nöwette köpchilik ortaq qollinip kelgen asasi usul.

Namayish arqiliq melum hökümet, shexsning qilmishi yaki melum ijtima’iy hadisige qarita qarshiliq bildürüsh, küch körsitish, özgertishni telep qilish meqset qilinidu.

Bildürüsh we qarshiliq körsitish usul bolup, tesir körsitish we özgertish meqset hésablinidu.

Yeni bashqilargha meqsitimizni bildüridighan toghra usul tépishimiz kérek, usul toghra bolmisa, toghra bolghan nishan-meqsetke yetkili bolmaydu.

Qilghan ishlirimizning ünümi intayin muhim, namayishtin kütülidighan ünüm –

Biz duch kéliwatqan mesililerni etraptikilerge bildürüsh, namayish arqiliq özimizning hemkarliq we küreshchanliq rohini janlandurush, bashqilargha xitaylarning heqiqiy mahiyitini échip bérish.

Mumkin bolsa bu arqiliq xitaygha qarshi birliksep shekillendürüsh we ittipaqdash tépip qollash we destekke érishish.

Teshkilligüchilerning, sho’ar towlighuchilarning semide bolushi kérekki, «bildürüsh we tesir körsitish» témisi dunyadiki yüz minglighan uniwérsitétlarda nechche yil tetqiq qilinidighan bir muhim téma, namayish heqqide gerche biz tetqiqat ilip barmisaqmu, héch bolmisa, anglighuchilargha tesir körsitish üchün azraq oylinishimiz kérek. Bizmu awazimizni bashqilargha bildürüshni, ularni tesirlendürüshni tetqiq qilishimiz kérek. Bumu öginidighan bir pen!

Héchqandaq oylanmastin, azraqmu izdenmestinla «chiqip towlisaqla hésab» déyish eng yüzeki we iptida’iy oy-tepekkür bolup, héchqandaq ünümlük netije bérelmeydu. Allah bergen eqilni ishletmisek oxshashla hésabini bérimiz.

Eger tekrar halda nechche yüz kishi waqit, zéhin, iqtisad serp qilip érishken netijilirimiz ünümsiz bolsa, qoshunimiz ajizlaydu; Eger téximu yaxshi chare bilen, zerbidar usullar bilen emeliy ünümge érishkenséri, qoshunimiz küchiyidu. Dunya awazimizni anglishi, bizni chüshinishi kérek; Tesirlinishi, bizni qollishi kérek. Buning üchün sho’arimiz 21-esr kishilirining tepekkür usuli we hayat chüshenchiliri bilen birdek bolush telep qilinidu.

Yolda manga kimler uchrishi mumkin? Ular qaysi tilni chüshinidu? Ulargha özümning bu dölettiki salahiyitimni qandaq bildürimen?

Bular heqqide izdinishmiz kérek; Qandaq qilghanda, awazimizni toghra yetküzeleymiz? Qandaq qilghanda, özimizge ziyanliq we paydisiz sho’ardin saqlinalaymiz? Bular hemmisi muhim.

Nöwette dunya miqyasida türlük taratqular we axbarat wastiliri öz awazimizni bildürüshtiki eng asasi qoral.

Taratqu arqiliq tarqalmighanda, towlan’ghan sho’arlar, toplan’ghan kishiler shu waqit we shu jaylarda untulidu. Peqet qatnashquchilarning kallisida tesir qalidu, xalas.

Teshkillinish süpiti, awaz, sho’ar, yürüsh-turush, rohi halet ortaq bir süpetke wekillik qilghanda, tesiri téximu zor bolidu. Süpetsiz, meqsetsiz, tertipsiz namayishlar zérikishlik we ünümsizlik bilen ayaghlishidu!

Yene xitaygha purset bérip, özimizge ora kolimasliqimiz kérek!

Nöwette düshminimiz bolghan xitaylar bizning heriketlirimizdin özige ziyanliq bolghan mezmunlar, süretler, awazliq höjjetler, sho’arlar, namayishlardin matériyal yéghip, uyghurlarni mötidil musulmanlar dep qaraydighan nurghun xelq’ara teshkilatlar, organlar, taratqular, diplomatlargha biz uyghurlarni «radikal», «térrorist», «qalaq», «démokratiye we erkinlikning düshmini» dep tonushturmaqta. Bir qisim biterep taratqular uyghurlarni közitish arqiliq bir qisim uyghurlarning sel ashqun yürüsh-turushi we sho’arlirini asas qilip turup, rastinila radikalliq mewjut dep qarap, uyghurlar dawasining heqiqiy mahiyiti bolghan ademlerning hayati, qirghin qilinishi, tutqun qilinishigha soghuq mu’amile qilmaqta.

Xitayning biz uyghurlargha qarshi yürgüzüwatqan siyasetliri rast we wehshiyane turuqluq uni téximu roshen, téximu keng da’iride anglitishqa özimizning tosqunluq qiliwatqanliqi téximu rast. Özimizning yolini özimizning nezer da’irimizning tarliqi tosup qoymaqta.

Özimizning izdenmesliki, oqumasliqi, oylanmasliqi özimiz üchün uqushmasliq hetta düshmenlik peyda qiliwatqanliqini nezerdin saqit qilishqa bolmaydu.

Biz özimizning hal-ehwalimizni eks ettüridighan, düshminimizning jinayi qilmishlirini pash qilidighan, chüshenmeydighanlargha özimizning kimlikini, tartiwatqan derdimizni éniq chüshendüridighan sho’arlar, plakatlarni otturigha chiqirishimiz kérek.

Musulmanlar eqilliq bolushi kérek, intayin chirayliq bolghan islami sho’arlirimizni erzimigen, nalayiq sorunda towlap kursini chüshürüshmu oxshashla xataliq hésablinidu. Hemme ishning muwapiq towlaydighan waqti we orni bar.

Dunyada bir yérim milyardtin artuq musulman bar, ularning hemmisi öz derdi, öz ghémi bilen aldirash, dunyadiki her qandaq musulmanlar aldi bilen özini oylaydu.

Xitaylar bilen bizge qarshi hemkarlashqan musulman ellerning uyghurlargha keltürgen sanaqsiz ziyanlirini bu yerde tilgha almighan teqdirdimu, bizge payda ilip kelgenliri az. Muhimi, sherqi türkistanda, xitayning zulumigha uchrawatqanlar biz-yeni uyghurlarmiz, ular emes; U zémin bizning, u yerdiki xelq bizning tughqanlirimiz, ularning tughqanliri emes; Shunga bizning derdimiz ularning xiyaligha anche kirip chiqmaydu.

Bizning dawayimiz peqet dinning dawasila emes!

Xitayning yoqatmaqchi bolghini slam dini emes, belki sherqi türkistanning igisi bolghan uyghur millitini yoqitishtur. Chünki xitay uyghurlarni yoqatsa, cheksiz bayliq, cheksiz bipayan zémin xitaygha qalidu; Uyghurlarni yoqatsa, ottura asiyagha singip kirishi, zémin kéngeymichilik qilishi asanlishidu. Shunga xitaylar uyghurlarning hem tilini, hem medeniyitini, ziyaliylirini, bashliqlirini, sen’etkarlirini, sodigerlirini, tarixini, öylirini, mal-mülkini hemmini yoq qiliwatidu, talan-taraj qiliwatidu.

Bizning dawayimiz kem bolghanda 20 milyon ademning, pütün bir xelqning hayat we mamatliq dawasidur. Uyghurning, bir milletning mewjutluq mesilisidur.

Eger uyghurlar qirghin qilinip yoqitilsa, bu yerdiki wetenmu quruq gep bolup qalidu, zéminimiz xitayning bolidu, uninggha héchkim ige chiqalmaydu. Eger bu yerdiki uyghur musulmanlar qirghin qilinsa, bu yerdiki islam dinmu yoq bolidu. Dunyadiki bashqa musulmanlar ziyankeshlikke uchrighan uyghurlar üchün burunqidekla héch ish qilip bérelmeydu.

Bizning dawayimiz yene 2 milyon kwadrat kélométirliq ziminning, muqeddes tupraq we wetenning dawasidur, insaniyetning dawasidur! adimiylik dawasidur! xitayning qatilliq, térrorluq, wehshiyliki, iplasliqigha, tajawuzchiliqigha qarshi dawadur.

Oylinayli qérindashlar, biz uyghurlar burunmu hazirmu intayin medeniyetlik bir xelq biz; Biz uyghurlar türki milletler arisida tunji bolup slam dinini qobul qilip musulman bolghan xelqmiz; Biz uyghurlar pütün dunya islam tarixida tunji islami medrisini- sachiye medrisini bina qilghan xelqmiz! islam dinining pütün tarim wadisi we ottura asiya boylirigha tarqilishida eng zor töhpe qoshqan musulmanlarmiz. Biz uyghurlar dunya tarixida islam étiqadi üchün eng köp qurbanliq we bedel töligen xelqmiz; Biz uyghurlar özimiz eng ajiz turupmu, bashqa musulmanlar üchün eng köp bedel töligen musulmanlarmiz, chéchéniye, pakistan, afghanistan, süriye qatarliqlar üchün jan pida qilghan, qan kechken eng semimiy we rastchil musulmanlarmiz. Emdi biz dunyani körüp qoyduq, yalghan musulmanlarni körüp qoyduq, allah közimizni achti, ereb milletchilirini, iran pars shi’elirini, pakistanning héli gherb héli xitay bilen hemkarliship uyghurlarni dollargha tégishidighan hökümetlirini, afghanistanning taghlirida hayati bedilige urush qilip berse, xitaygha qoral we aptomobil üchün uyghur qérindashlirini satqan taliban hökümiti we hazirqi hökümetlerni bir-birlep körduq. Süriyediki échinishliq haletni körüwatimiz, peqet ölüwatimiz, xeq üchün ölüwatimiz; Bizni tutup bériwatqan saxta musulman heqiqiy menpe’etdar, sodiger milletler üchün qurban boluwatimiz. Emdi héchbolmisa, sho’arni bolsimu özimiz üchün towlayli.

Tariximiz ottura asiyagha soda, ma’arip, medeniyette töhpe qoshush bilen, ottura esirdin béri nahayiti keng jughrapiyelik rayonda rengdar we mol bolghan bir insaniyet alaqisi, güllen’gen bir medeniyet chembiriki yaritish bilen xulasilinidighan xelq biz. Insaniyetke töhpe qoshqan, musteqil medeniyet yaratqan, til we yéziqi ayrim bolghan, bir qurghaq jughrapiyeni bostanlashturushta töhpisi eng zor bolghan uyghur xelqi yoqitilish aldida turidu.

Tinchliq, medeniyet we tereqqiyatqa töhpisi bar bolghan uyghur xelqi türlük bahaniler bilen öltürülüsh xewpi aldida turidu.

Uyghur xelqi qirghin qiliniwatidu, xitay hökümiti uyghur xelqini qirghin qiliwatidu. Biz mana buni déyishmiz kérek!

Xitay hökümiti islam dinini cheklepla boldi qilghini yoq, bashqa barliq dinlarnimu cheklewatidu. Shunga xitayni dinlarning düshmini dep tonutushimiz kérek.

Xitay kishilerni musulman bolghanliqi üchünla emes, barliq ademlerni qirghin qiliwatidu. Shunga xitayni insanlarning düshmini dep tonutushimiz kérek.

Xitay dini alimlirimizla emes, her qandaq uyghurla bolsa tutuwatidu, qirghin qiliwatidu.

Shunga xitayni pütün uyghurlarning düshmini dep tonutushimiz kérek.

Biz dawasini qiliwatqanlar ichide, uyghur millitining ghémini yégenliki üchün qamalghanlar bar,

Uyghurgha mektep, doxturxana, köwrük salghanliqi üchün, yétimgha yardem qilghanliqi üchün solan’ghan karxanichilar bar.

Ilmi netijisi, tetqiqati bilen uyghur xelqining ghururini östürgenliki üchün qamalghan uyghur ziyaliyliri bar.

Tor béketlerni qurup, heq-rast gep qilishqa sehne yaratqanliqi üchün qamalghan tor béketchiler bar.

Uyghur tili, medeniyiti yolida izden’genliki üchün qamalghan tetqiqatchilirimiz bar.

Uyghur sen’itining xitay sen’itidin üstün turidighanliqini ispatlap qoyghanliqi üchün qamalghan sen’etkarlirimiz bar.

Eger xitay peqet islam dininila yoqatmaqchi bolghan bolsa, xuyzu musulmanlargha kengchilik qilmighan bolatti. Xitaylarning xuyzulargha islam dinini cheklimeslikining sewebi shuki, ular musulman bolsimu uyghurlardek zémin we weten dawasi qilmaydu.

Xitaylarning nurghunlighan musulman döletliri bilen hemkarliship uyghur musulmanlirigha zerbe bérishi, uyghurlarni yoq qilish üchün heriket qiliwatsimu, islam ittipaqi, islam kéngishi qatarliqlarning süküt qilishi, 20din artuq musulman dölitining xitay bilen uyghurlargha zerbe bérishte hemkarliq ornitishi - bizni oyghitishi kérek. Bu oyghinish - güzel exlaq we büyük insani xisletlerning jenggahi bolghan mubarek dinimizgha bolghan muhebbet we pidakarliq bolupla qalmay, wetinimiz sherqi türkistan we u yerdiki uyghur xelqimizgha bolghan chongqur muhebbet we xelqimizning derdini yetküzüsh we ehwalini özgertishtur.

Biz uyghurning awazini yangritishimiz kérek, uyghurning sho’arini towlishimiz kérek!

Uyghurning hayatini, uyghurning dinini, uyghurning wetinini, uyghurning ghururini, uyghurning bighubar ösmürlirini, uyghurning natiwan ayallirini, uyghurning xorlan’ghan anilirini qoghdash körüshide qet’iy mustehkem we tewrenmeydighan bolushimiz kérek!

Towlinidighan sho’arlar üchün:

Ayrim jümliler boyiche towlinidu:

Uyghurlargha erkinlik!

Uyghurlargha adalet!

Uyghurlargha hörlük!

Bir pütün kuplét halette oqulidu:

Erkinlik izdeymiz!

Hörlük izdeymiz!

Zalim xitayni,

Wetendin qoghlaymiz!

Xitay zalimdur!

Xitay qatildur!

Xitay térrorchi,

Xitay fashisttur!

Ayrim jümliler boyiche oqulidu:

Xitay tajawuzchiliri, wetinimizdin chiqip ket!

Xitay qatilliri, uyghurlarni öltürüshni toxtat!

Xitay fashistliri, uyghurlarni tutushni toxtat!

Xitaylar, bulangchiliqni toxtat!

Shi jinping, térrorist!

Shi jinping, jallat!

Shi jinping, fashist!

Shi jinping qatildur!

Plakatlar üchün:

Xitay kommunistliri, uyghurlarni qirghin qilishni toxtat!

Xitay kommunistliri insaniyetke qarshi jinayet ötküzmekte!

Dunya közüngni ach, fashizm yéqinlap kelmekte!

Xitay, 2 milyon uyghurni qoyup ber!

Xitay, ata-anam we qérindashlirimni qoyuwet!

Milletchi, irqchi, nomussiz, wehshiy, zalim xitay!

China, Stop Killing Uyghurs!

China, Get out of East Turkestan!

Shame on China!

No More Camps!

We Want Justice, We Want Peace!

Save the Uyghur People!

Save the Uyghur Language!

Save the Uyghur Culture!

Save the Uyghur Scholars!

Save the Uyghur Artists!

Save the Uyghur Women!

Save the Uyghur Children!

Freedom for Uyghurs!

Justice for Uyghurs!

China is Lying, People are Dying!

Racist China!

Fascist China!

Xi Jinping is a Terrorist!

Chen Quanguo is a Killer!

Free our Fathers!

Free our Mothers!

Free our Sisters!

Free our Brothers!

Türkçe

Haykırılacak olan sloganlar

Ayrı ayrı okunacak.

Uygurlar’a özgürlük!

Uygurlar’a adalet!

Uygurlar’a hürriyet!

Bitişik okunacak

Özgürlük istiyoruz!

Hürriyet istiyoryz!

Zalim Çin’ı D.Türkistan’dan kovacağız!

Zalim Çin!

Katil Çin!

Terörist Çin!

Faşist Çin!

Ayri cümleler halinde okunacak

Işgalci Kızıl Çin D.Türkistan’da defol!

Katil Kızıl Çin,Uygurkatliamını durdur!

Faşist kızıl Çin,Uygurları tutuklamaya sonver!

Kızıl Çin,yağmalamayı durdur!

Terörist Kızıl Çin!

Cellat Şi- jinpin!

Faşist Şi-jinpin!

Katik Şi-jinpin!

Afiş için

Kominist kızıl Çin,Uygurkatliamını Durdur!

Kominist kızıl Çin,insanlığa karşı suç işlemeye son ver!

Dünya, gözünü aç! Faşizm geliyor!

Kızl Çin,ikimilyon Uygur’u serbest bırak!

Kızıl Çin,anne-babamı ve kardeşlerimi serbest bırak!

Irkçı,faşist,namussuz,barbar,zalim Çin!

Töwendiki ulinishni échip, mesh’el uyghur guruppisi teyyarlighan muraji’etnamilerge imza qoyup béring. Rehmet!

https://www.change.org/o/group_of_uyghurs_living_abroad